Ministry of Transport & Civil Aviation

Wasiirka Gaadiidka oo la kulantay Danjiraha Dawladda Shiinaha.

Muqdisho, 18, September,2022:- Wasiirka Gaadiidka iyo Duulista Hawada , Xil. Fardowsa Cusmaan Cigaal ayaa maanta qaabishay Safiirka Shiinaha u fadhiya Soomaaliya , Amb. Fei Shengchao.
Kulan ay yeesheen ayaa looga hadlay wada shaqeynta dhinacyada Duulista iyo Gaadiidka, iyadoo Safiirka Shiinaha uu ballanqaaday inay door muuqda ka qaadanayaan hannaanka casriga ah ee loo qalabeynayo dhismaha xarunta Hay’adda , tabbabarada Shaqaalaha hay’adda iyo horumarinta siyaasadaha iyo shuruucda Gaadiidka.
“Shiinaha waa dal ka mid ah kuwa ugu horreeya dunidda ee Duulista iyo Gaadiidka , si loo gaaro hiigsigeenna horumarinta wuxuu Safiirka inuu xaqiijiyay tallaabooyinka u horreeya ee horumarinta Hay’adda Duulista.” Wasiir Fardowsa ayaa sida sheegtay.
Wasiirka ayaa xaqiijisay iskaashiga Shiinaha inuu sidoo kale gacan ka geysanayo adeegyada Duulista iyo Gaadiidka Soomaaliya inay noqdaan kuwa u sarreeya ee gobolka.
HOOS KA EEG SAWIRRO
Dhammad
XAFIISKA WARFAAFINTA IYO XARIIRKA DADWAYNAHA EE WASAARADDA GAADIIDKA IYO DUULISTA HAWADDA SOOMAALIYA.